Rotha Hua Ishq Novel By Ameer Hamza Episode 9
Rotha Hua Ishq Novel By Ameer Hamza Episode 9
تم روئی تھیں"۔۔۔۔۔؟ وہ ساری لڑائی جھگڑا بھلا کر اسے فکر سے دیکھنے لگا۔۔۔۔۔کیرت نے تھوک نگلا۔۔۔۔۔
"ن۔۔۔نہی۔۔۔نہیں تو"۔۔۔۔۔وہ مکر گئی۔۔۔۔۔آنکھیں چرانے لگی۔۔۔۔پر وہ سمجھدار تھا سمجھ گیا۔۔۔۔جھکی آنکھیں بھی پڑھ گیا۔۔۔۔۔
"کیوں روئی تھیں۔؟ میں بس دیکھ رہا تھا کہ تم کب تک مجھے یاد کرکے میسج کرو گی"۔۔۔۔۔وہ سنجیدہ ہوگیا تھا۔۔۔۔۔گندا گندی والا الزام وہ دونوں بھول گئے۔۔۔۔۔
"ایسے مت آزمایا کریں ضامن اب دل دکھتا ہے"۔۔۔۔۔وہ یہ کہنا چاہتی تھی پر کہہ نہ پائی۔۔۔۔۔
"میں نہیں روئی تھی۔۔۔۔۔غلطی سے منہ سے نکل گیا۔۔۔۔میری ہر بات مت پکڑا کریں"۔۔۔۔۔اب وہ بلاوجہ غصہ کررہی تھی۔۔۔۔اور ضامن کو برا لگا۔۔۔۔۔لب بھینچ کر اسکا بازو پکڑا۔۔۔۔۔کھینچ کر اپنے قریب کیا۔۔۔۔۔سورج زرا زرا سرک رہا تھا۔۔۔۔دھوپ اب ان پہ بھی پڑنے لگی تھی۔۔۔۔بادلوں کی چھایا ان سے دور ہوگئی تھی۔۔۔۔۔سڑک پہ گاڑیوں کا شور ویسا ہی تھا۔۔۔۔۔پر پروا کس کو تھی۔۔۔؟؟
"تم جھوٹ کیوں بولتی ہو"۔۔۔۔۔؟؟ اسکی آنکھوں میں اندر تک جھانکتے وہ بولا تھا۔۔۔۔۔کیرت جواب میں خاموش ہوگئی۔۔۔۔۔
"اب روئیں تو جان سے مار دوں گا تمہیں سمجھیں"۔۔۔۔؟ وہ ناراضی سے بولا تھا۔۔۔۔۔کیرت کو اسکی کل والا بے پروائی پھر سے یاد آگئی۔۔۔۔۔کیسے نہ روتی وہ۔۔۔۔اتنا ناراض کیوں ہوا تھا وہ۔۔؟ آنکھوں میں موتی بھر کر رندھے گلے سے کہا
"لے لیں جان میری"۔۔۔۔۔ وہ بچوں کی طرح مدہم سے لہجے سے گویا ہوئی تھی۔۔۔۔۔
"لے لوں پھر تمہاری جان"۔۔۔۔؟؟ وہ اس کی بھگی آنکھوں میں ڈوبتا پوچھ رہا تھا۔۔۔۔۔وہ اچانک سے ہی بچوں کی طرح لڑنے والا لڑکا۔۔۔۔بڑا ہوگیا تھا۔۔۔۔۔جو الفاظ سے مبہوت کردیتا تھا۔۔۔۔۔اسکے سوال نے کیرت کو نظریں جھکانے پہ مجبور کردیا تھا۔۔۔۔۔۔نظریں جھکیں۔۔۔۔۔آنکھ کا آنسو پلک پہ ٹھہر گیا۔۔۔۔۔بے مول ہوجاتا۔۔۔۔اگر وہ جھک کر اسکو اپنے ہونٹوں پہ نہ سنبھال لیتا۔۔۔۔۔۔اسکے نرم ہونٹوں کا لمس کیرت کے دل میں کچوکے اٹھا گیا۔۔۔۔۔سانس خود ہی گہرے ہوگئے۔۔۔۔۔۔وہ آنسوں انمول کرکے اس کے چہرے سے دور ہوگیا۔۔۔۔پر بازو ویسے ہی پکڑ رکھا تھا۔۔۔۔۔کیرت نے آہستہ آہستہ چلمن سی پلکیں غزالی آنکھوں سے ہٹائیں۔۔۔۔۔وہ رونا بھول گئی۔۔۔۔۔نرمی سے خود کو اس سے آزاد کروا کر وہ دو قدم پیچھے ہوگئی۔۔۔۔۔ایک چور نظر سڑک پہ ڈالی۔۔۔۔۔جہاں کوئی انہیں نہیں دیکھ رہا تھا۔۔۔۔وہ اتنی صفائی سے سب کرگیا تھا کہ شاید ہی کسی نے دیکھا ہو۔۔۔۔۔۔اب وہ کھڑا تھا اور اسے مسکرا کر دیکھ رہا تھا۔۔۔۔۔اور کیرت اس سے نظریں ملانے کی ہمت بھی نہیں کرپارہی تھی۔۔۔۔۔
"اب گاڑی میں بیٹھو یا پھر جان لوں تمہاری"۔۔۔۔؟؟ وہ ہنسی دبا کر بولا تھا۔۔۔۔کیرت نے بغیر اسے دیکھے گاڑی کا دروازہ کھولا اور گاڑی میں بیٹھ گئی۔۔۔۔۔وہ گہرا سا مسکرایا اور ڈرائیونگ سیٹ سنبھال کر گاڑی چلانے لگا۔۔۔۔۔
Copyright reserved by Kitab Nagri
ناول پڑھنے کے لیے نیچے دیئے گئےامیجز پرکلک کریں 👇👇👇
